لقد كرمنا بني أدم .....بالانتخابات | الحلقة 13

لماذا تعتبر الانتخابات جزء من قيمتك كانسان كبني أدم بغض النظر عن النتيجة وبغض النظر عن مستوي تعليمك ومستوي تفكيرك ؟ في ضوء أفكار جون ستيوات ميل نستعرض قيمة الحرية كسبب رئيسي لرفضه للاستبداد .. ثم نعرض اهم اقتراحاته لضمان أفضل نتيجة للانتخابات وأخيرا ننتقد أفكار ميل

قائمة الكتب و المراجع المستخدمة لإعداد هذه الحلقة
مقدمة في الفلسفة السياسية – جوناثن وولف
الفلسفة السياسية – أدم سويفت
المشكاة -أيمن ابورابح
الفلسفة السياسية – ديفيد ميلر
الفلسفة السياسية – ستيفن سميث
عن الحرية – جون ستيوارت ميل
النفعية – جون استيوارت ميل
اعتبارات الحكومة الممثلة – جون استيوارت ميل
الأسس الأخلاقية للسياسة – إيان شابيرو
طبائع الاستبداد ومصارع الاستعباد- عبد الرحمن الكواكبي

اجزاء من سكريبت الفيديو لقد كرمنا بني أدم .....بالانتخابات | الحلقة 13 كاملة

موضوع انتظار المستبد المستنير ده كله مشاكل
خلاص تعالوا نعمل ديمقراطية وإنتخابات, بس حنعمل في تأثير الفقر والتعليم علي النتيجة
إيه الحل؟
إية رأيك مثلاً لو منعنا شوية ناس تصوت لحد مايكونوا جاهزين و كمان خلينا المتعلمين او اللي معا دكتوراة مثلا صوتهم بصوتين في الانتخابات ؟ ونخلي الانتخاببات علنية وكل يشوف ورق كله عشان الناس تخاف ترتشي وتبيع اصواتها
لو فكرت في كدة كانك بتفكر ذي الانجيليزي ميل

احنا هنتكلم عن جزء معين بس من أفكاره الجزء الخاص
ميل كان ليه رأى في موضوع الحكم المطلق والمستبد المستنير دة مبنى على شئ جديد
هو شاف ان التصويت والانتخابات مهمة عشان الانسان يحس بنفسه كإنسان جكزء من قيمة الحرية
ميل ركز علي حرية الاختيار وتاثيرها علي الفرد واحساسه بالانتماء للبلد واحساسه ان البلد دى بلده
هو قال أن الاستبداد فى حد ذاته حاجة زفت للإنسان بغض نتائج الإستبداد سواء إقتصادية ولا إجتماعية
ميل دخل دخلة كدة زى دخلة عبد الرحمن الكوكبى فى أثر الاستبداد على النفس البشرية
لو الزمن دار بشكل مختلف ممكن تروح تصلي تلاقي ميل بيقولك
لقد كرمنا بني ادم – الفرد الانسان
وحقك في الاختيار دية ملهاش علاقة بكونك متعلم او امي غني فقير طويل قصير

ميل كان قلقان وعايز يضمن ان عدد المصوتين اللى مش متعلمين ميلبسوناش في الحيطة
ميل كان له حبة أفكار كدة
اولها : الإقتراع المكشوف العلني
تاني حاجة : الفصل بين السلطات
تالت حاجة : دائرة عامة ودائرة خاصة ودة حاجة كدة اعقد من فكرة الحقوق التلاتة بتاع جون لوك
رابع حاجة : ان عضو البرلمان مايخدش مرتب و طلب تحديد مصاريف الحملة الانتخابية
خامس حاجة :اقترح بسرعة كدة حبة قيود على التصويت
بس خلى بالك هو شاف فكرة الحد من تأثير الناس اللى مش متعلمة دى أو منعهم من التصويت لفترة معينة أصل أهم حاجه بالنسبة ليه هى حرية الإنسان واختياره

بس ايه اشهر الاعتراضات علي ميل ؟
اول حاجة هي موضوع الحد من مصاريف الحملات الانتخابية الايام بتاعتنا الموضوع اعقد من كدة
فاكرين كويس الشغل اللي كان بيحصل ايام كمال الشاذلي

تاني حاجة قالها ميل هو موضوع ان اعضاء البرلمان مايخدوش مرتبات
بس دة كدة كانك بتقول لعضو البرلمان ياخد رشاوي

اما بقا لو بصينا على فكرة الإقتراع المكشوف الحكومات بتاعتنا حتقبض علي اللي يصوت ضددها ما عندهم الكشوفات وعرفين مين صوت لمين

طب هل الحكاية برضة كدة في السويد والنرويج ؟
أحنا هنا هناخد المثال الى دايما بيضربه أيان شوبيرو
التجربة أن احنا بنجيب بقرة وبنطلب من مجموعة عشوائية من الناس أن هما يحددوا وزن البقرة دى بمجرد ما يبصوا ليها
هنقسم الناس دول مجموعتين
المجموعة الأولى كلها هتتفق علي وزن واحد للبقرة
المجموعة التانية كل واحد حياخد قرار ويكتب وزن البقرة لوحدة و هنحسب متوسط الأرقام

المجموعة التانية الى أخدنا متوسط الإجابات بتاعتها بتكون أقرب للوزن الحقيقى من المجموعة الى اتناقشوا كتير جدا واختاروا إجابة واحدة،
تبادل الآراء والنقاش اللي حصل في المجموعتين دة حاجة جميلة لكن في المجموعة الأولى بيكون فى ناس شخصيتها قوية فهنا ضغط المجموعة أو خلينا نسميه ضغط المجتمع هو اللي بيصنع القرار
وعشان كدة كل دول العالم شغاله بالاقتراع السري

اما بقا موضوع ان في ناس ماتصوتش لحد ما تكون جاهزة
اولا الناس اللي مش حتصوت في الانتخابات دية حتكون حقوقهم السياسية اختفت وبالتالي محدش حيعبرهم لانهم مش حيكون مصدر سلطة لاي حد
ناهيك عن كدة الناس الفقر المعدمين او المش متعلمين لما حناخد منهم حق التصويت كننا اخد منهم قوته السياسية فمبقاش عندهم حاجة خالص و في اوقات كتير فقرهم وجهلهم دة نتيجة

لو فرضنا ان منع الناس من التصويت دة لفترة معينة لحد ما يكونوا جاهزين .. مين اللي حيحدد ؟ وبناء علي اية ؟
وحتي لو قولنا التعليم مين اللي قال ان اللي معاه دكتوراه بيفهم في السياسة مرتين ؟

انا عارف ان اعطاء التصويت لكل الناس دة موضوع كبير لان الحكاية دية وراها سؤال كبير وهو
ايه علاقة التعليم بتاع المدارس والجامعات بالوعي السياسي؟

فكر في سؤال الانتخابات نفسه دة الاول
الانتخابات نفسها دية
سؤال الصح والغلط ؟ وسؤال شخصي ولا سؤال عام ؟
لما تجاوب علي السؤالين دول سعاتها حنعرف نناقش علاقة التعليم بالوعي السياسي