لماذا يهتم الرجال بماضي المرأة؟ هل تتزوجين هذا الرجل بماض سيء؟

فين كنسمع صحابنا في اليسار و "المتنورين" "التقدميين" و حتى بعض الفتيات سواء لي عندهم ماضي "زوين" أو المتعاطفات مكنديش عليهم، خاصة الفتيات كيف قال د دعدوش ماشي نتي لي غادي تجي تقولي للرجال كيفاش يحسوا الى عرفوا الماضي ديال الخطيبة أو الزوجة.
عليها معمركم تسمعوا لهاد الفئات فهاد القضية، خاصة المشكل ديال البكارة، متخليوهومش يلعبوا عليكم بديك طاكتيكات العار Shaming tactics.
هوما ديما غادي يستغلوا ديك القضية ديال كلشي عندو ماضي كلشي كيخطأ بلا بلا، أولا ماشي كلشي و هوما كيديرو اسقاط ديال راسهم على الناس كاملين و هذا أول خطأ باش ماتزيدش تسمع ليهم.
ثانيا بصح الناس كتخطأ و لكن لي سترو الله كيمشي كيتوب توبة نصوح و ماشي كينوض يدير الاشهار و يدافع على المنكر لي دار.
ثالثا كيف شفنا فالفيديوهات السابقة ماشي بحال الرجل بحال المرأة فهاد القضية من الناحية العلمية و النفسية
رابعا ايلا مشينا مع الهضرة ديالهم و قلنا أن المجتمع ذكوري و حكار على المرأة فكونك عندك ماضي و خاصة ايلا وصلت لفقدان البكرة فهذا دوبل صولد على أنك هاربة و مافيكش الثقة عكس وحدة في الغرب لي مطلوق اللعب عندها و بالعكس مضغوط عليها دير داكشي كيف شفنا. فالغشاء ماشي هو المشكيل و لكن شنو كيقول على الشخصية ديالك لي الاب ديالك دار فيك الثقة الكذوب لي قلتيهم و عدم اهتمام بالشوهة لي ممكن توقع للاسرة ديالك فهاد المجتمع الذكوري.
خامسا كيف قال واحد التعليق واش حتال 2021 عاد بداو هاد الأغسية كيفرقعوا بالبكالة و الرياضة؟
سادسا كيمرضوني شي "دعاة" و "شيوخ" كيبغيو يلسقوا للخطيب أو الزوج مسؤولية تقبل الأمر، لا أسيدي، الرجل عندو الحق فأي قرار بغى ياخذو و يريحو نفسيا حسن ما يعيش معذب و يتنادم الحال معاه بعد ولادة أطفال. هاد الناس باغين يردوا تقبل الأمر هو الوضع الطبيعي باش يردونا بحال الغرب.
سادسا كاين واحد النوع ديال الرجال المنافقين لي غير حيت عندو ماضي "زوين" كيبغي يتضامن معاهم زعما و نهار يبغي يتزوج كيدعي الله صباح و عشية تكون على الأقل بالبكارة حيت كيدير اسقاط داكشي لي دوز عليها و هادا ديما غادي يبقى مشكاك واخا يطيح فبنت الناس.
المشكل فهادشي كامل شنو هو الحل؟
أول حاجة الرجال ما يطبعوش مع هاد الدعوات من أي كان واخا شي "دعاة" ديال تقبل فقدان البكارة
ثاني حاجة لي عندو شي ماضي يسترو كي سترو الله ويتوب توبة نصوح
3 حاجة ايلا غادي تسول على ماضي شي بنت سول قبل أو أثناء الخطوبة من بعد الزواج معدك لاش
4 حاجة متسولهاش هي مباشرة حيت أي جواب بالنفي أو الاعتراف ما غاديش يعجبك
5 حاجة البنت لي فقدات البكارة واجب عليها تقولها قبل عقد الزواج
6 حاجة الرجل لي عرف بنت فاقدة للبكارة خاصو يضرب الطم و ما يفضحهاش ايلا بغى يتفارق معها
7 حاجة عرف أن أي قرار خديتيه فحالة عرفتيها فاقدة للغشاء راه من حقك و متخلي بنادم يشكك فهاد القضية.
8 حاجة للبنات لي وقعت في خطأ توب و تحمل مسؤولية الخطأ ديالها و تقبل أي نتائج مترتبة عليه و متبقاش تلوم المجتمع لواه منافق لواه ذكوري.

Facebook Page: https://www.facebook.com/MoroccanPOVpage
Original Video: https://youtu.be/488F9P9vZ7c