هل النموذج النسوي للزواج باقتسام الأعباء بالمساواة نموذج ناجح؟ هل هو متوافق مع طبيعة المرأة؟

من أكبر المشاكل لي كي طيحو فيها الأزواج حاليا هو اقتسام الأعباء سواء المالية أو الأشغال المنزلية و هاد المشكل كي تطرح غالبا فين كتكون الزوجة عاملة. النموذج النسوي لي في أغلب الأحوال مستحيل التطبيق ديالو حتى في الغرب فما بالك عندنا كمسلمين كي قول أن الرجل و المرأة خاص يقسمو كلشي 50/50 شي لي غادي نشوفو في الفيديو مستحيل و بالخصوص غبي. لأن الحياة الزوجية مبنية على الود و الرحمة ماشي شد لي نقطع ليك.
السيدة كتهضر على واحد النقطة مهمة و لي صعيب توصلها لفتيات اليوم -كرجل منقدرش نحط راسي في مكان أنثى- و لكن ديك متلازمة "نضمن مستقبلي" و "ندير علاش نرجع" هي من أكثر الأشياء لي كتأدي للطلاق و السيدة غادي تهضر عليها بطريقة رائعة
و لكن كرجل ممكن نقول أن الرجال كي حسو فين المرأة مكتعطيش 100% ديالها في الزواج شي لي كي خلي العلاقة ديما متوترة و ديما جو من السلبية و عدم الثقة كي كون في البيت، زائد القضية لي هضرنا عليها ديال التنافس فالرجل ايلا حس بالزوجة منافسة ليه كي زيد يزير السمطة و ما كي عقلش عليها.
لهذا شخصيا لا أظن أن نسوية أو زوجة متأثرة بالنسوية ممكن تعيش "الحب" كيف كتخيلو وردي و مثالي حيت أصلا ركيزة من الركائز ديالو مهدمة بكثرة الحساب و عدم الثقة.

كيف ديما المقاطع لي كنتافق معاهم خليتهم باللون الأخضر واخا كان ممكن الفيديو كامل يكون أخضر
لهذه الأسباب شخصيا كنشوف عمل المرأة سواء في وظيفة أو في الشركات لي كي خلي الزوجة غائبة عن البيت عبء زائد على الزوج و الزوجة حيت مشاكل من نوع اخر كتزاد اضافة الى المشاكل الزوجية العادية. مرة اخرى هادشي بالنسبة للاسرة لي الزوج فيها قادر على المصاريف دون حاجة لمساعدة الزوجة.

و كيف ديما كنترجم فيديو كنتفكر فيديو اخر هاد المرة النظرة ديال رجل أمريكي لقضية الثقة و خضوع المرأة للرجل ان شاء الله

Facebook Page: https://www.facebook.com/MoroccanPOVpage
Original Video: https://youtu.be/UHaWrH70zhA