Pilipinas Tunay Ka Nga Bang Malaya? Araw Ng Kalayaan 2021

Filipino World Channel Website
https://www.filipinoworldchannel.com/feel-good-with-jo-arcaya?fbclid=IwAR34oTcghXqDjQFC6SFC6Em116O5pMOEvC5SVOf0wtJtHz6lsDT7eNRUjW4

Subscribe To Our Podcast Channels
https://filipinoworldchannel.buzzsprout.com/

Pilipinas, tunay ka nga bang malaya?
By jillianfaith01
ika-12 ng Hunyo: Isa sa mga pinaka-mahalagang araw sa kasaysayan ng Pilipinas, sapagkat ito ang araw ng pagpapahayag ng kalayaan ng Pilipinas mula sa pagkakasakop ng Espanya sa bansa. Taon-taon ay ipinagbubunyi ang araw na ito upang sa gayon ay maalala ng bawat Pilipino ang hirap na pinagdaanan para sa kasarinlan ng bansa. Ngayon at 112 na taon nang nakalilipas mula nang ipinahayag ni Heneral Emilio Aguinaldo ang kalayaan, tunay pa nga bang malaya ang Pilipinas?

Masasabi nga bang malaya ang mga pamilyang nasasadlak sa kahirapan? Ang mga pamilyang lalo pang naghihirap habang ang mga masagana ay lalo pang nagiging masagana?

Masasabi bang malaya ang mga kabataang hindi mabigyan ng magandang edukasyon? Ang mga batang tinitiis ang init ng araw habang pakalat-kalat sa lansangan upang humingi ng walang kasiguraduhang tulong mula sa iba?

Masasabi bang malaya ang mga taong silaw sa kapangyarihan? Ang mga taong lahat ay gagawin kahit ito pa ay masama para lamang manatili sa kapangyarihan? Malaya ba ang mga taong silaw rin sa yaman? Ang mga Pilipinong hindi marunong mamahagi sa nangangailangan at kailanma’y sarili lang ang iniisip?

Maaaring ang bansang ito ay malaya mula sa pagkakasakop ng iba, ngunit kailanma’y hindi magiging malaya ang Pilipinas mula sa mga suliranin nito; sapagkat matagal na tayong nakakulong sa kahirapan, katiwalian, at sa iba’t iba pang mga suliranin ng bayan. Bilang mga Pilipino, atin sanang ipanalangin sa Maykapal na balang-araw ay makamit natin ang tunay na kalayaan. Kalayaan na gagabay sa atin tungo sa kasaganaan.
SOURCE: https://jfaithbautista.wordpress.com/2010/06/12/pilipinas-tunay-ka-nga-bang-malaya/