კონსერვატიული პოდკასტი. 25. 01. 2025

ძირითადი თემები: "ოცნების" ფსევდოკონსერვატიზმი; ტრამპი და უკრაინის ომი; უკონტროლო მიგრაცია;

სტუდიაში: საბა ბერიშვილი, გიორგი კვატაშიძე, ოთარ ზუკაკიშვილი, ზურაბ ზუკაკიშვილი

გადაცემაში ნათქვამი იყო, რომ საქართველოს საერთაშორისო არენაზე გასაპიარებლად ჩვენ უნდა გამოვიყენოთ სტალინის სახელი.
ქართული პოლიტიკისთვის დამახასიათებელი უპრინციპო აზროივნების ნათელი მაგალითია, როდესაც კონსერვატორები გადაცემაში დიდი პატივით იხსენიებენ საქართველოს პირველ პრეზიდენტს, ბ-ნ ზვიად გამსაურდიას (მადლობა ამისთვის), რომელმაც უახლეს ისტორიაში დააფუძნა როგორც ეროვნულ- სახელმწიფოებრივი აზროვნება, ასევე ახალი ქართული სახელმწიფო მეორე რესპუბლიკის სახით და ქართული სახელმწიფოებრიობის იდეას შესწირა საკუთარი სიცოცხლე, ხოლო საქართველოს გასაპიარებლად იყენებენ სტალინს, რომელიც იყო სოციალისტურ-კომუნისტური იდეის მსახური, რომელმაც ქართული სახელმწიფო აღგავა პოლიტიკური რუკიდან და რომელიც უშუალოდ ხელმძღვანელობდა პირველი რესპუბლიკის ოკუპაცია-ანექსიას.
სტალინის გლობალისტურ იდეებს დღეს აპიარებს მთელი მსოფლიოს ლიბერალურ-გლობალისტური მედია. სად არის იქ ქართველი კონსერვატორების ადგილი, ეს თავად უნდა გაარკვიონ.

დასაკრავი სია: უსახელაური