ტვ-იმედი. „კრისტის“ აუქციონზე იოანე-ზოსიმეს ქართული ხელნაწერი 1,25 მლნ ფუნტად გაიყიდა. 11. 06. 2024

ტვ-იმედი. ქრონიკა. 11. 06. 2024 (20:00)
წამყვანები: ხატია ქვათაძე, ლევან ჯავახიშვილი

ბიძინა ივანიშვილის საჩუქარი საქართველოს. კიდევ ერთი ისტორიული ქველმოქმედების შედეგად, იოანე ზოსიმეს უნიკალური ხელნაწერი ეროვნულ მუზეუმში განთავსდება. ხელნაწერი სინას მთის კოლექციიდან არამეულსა და ქართულ ენებზეა შესრულებული. ბიძინა ივანიშვილმა ის „კრისტის“ აუქციონზე, მილიონ გირვანქა სტერლინგად შეიძინა. ხელნაწერი სახარებების ყველაზე ადრეულ ტექსტებს შეიცავს, არამეულის უახლოეს დიალექტზე ანუ იესოს დიალექტზე. ეს ქრისტიანული პალესტინის არამეულ ენაზე შექმნილი ერთ-ერთი ყველაზე მნიშვნელოვანი ფრაგმენტია, პალიმფსესტი დაწერილია ქართული ტექსტით და X საუკუნის სინას წმინდა ეკატერინეს მონასტერშია შემორჩენილი. ისტორიულ ქველმოქმედებას, პრემიერ-მინისტრი გამოეხმაურა.

ერთი ფბ-პოსტი:
შალვა ტაბატაძე. 12. 06. 2024
,,ერის საგანძური დააბრუნაო".
ერის საგანძური მაშინ დაბრუნდება საქართველოში, როცა ემიგრანტები დაბრუნდებიან, თავიანთ შვილებს მოეფერებიან და აქ გააგრძელებენ ღირსეულ ხელფასზე მუშაობას.
ხალხი ისევ გარბის საქართველოდან, რადგან მათი შრომა სათანადოდ არ ფასდება აქ.
ადამიანზე ძვირფასი არაფერი გაუჩენია ღმერთს დედამიწის ზურგზე.
(რა თქმა უნდა წიგნიც ძვირფასია, მაგრამ არა ადამიანზე).

დასაკრავი სია: აპოლიტიკური ამბები მედიიდან და სოცქსელებიდან