انا برّا الكون محمود اليماني

مانفعش في ليل
مايحلش ابدا في غيابه ولا الف بديل
وحاولنا كتير نكسر قلبه وما طلعش ازاز
مانفعش في ليل يقلب عتمة ويقول مواويل

ولقينا جواب مع كراكيبه
كان كاتبه في يوم
تقريبا مكتوب لحبيبه
كان قصده اللوم

مكتوب في جوابه بخط ايديه
انه اشتاق مع انه بعيد
او بره الكون يمكن قصده
بيكلم حد تحسه عنيد

انا برة العالم لو توهتي
او ضيعتي في يوم
وبزور البال بالتنهيدة
قابليني مع كبس النوم

انا برا الكون لو ضيعتي في يوم
انا جوا الناس لو فضفضتي
انا عيني في عينك في مرايتك
وطلبتك بس انتي رفضتي

فغادرت العالم باهواءه
سيبي الجثمان بلا اشلاءه
انا لسا في ودنك لو سامعة
انا في رواية ناس اشتاقوا

انا في رواية حد مهاجر
برا مجال كان عاشقه سنين
برا حدود اتمكن منها
لو هييسيبها هيفضل مين

انا بره الكون لو ضيعتي في يوم
لو قلبك دلك لمكاني
انا مني ملامح علي وشك
وختم لجوابه بوحشاني

بيقول الغاز دارت بينهم
بيقول تفاصيل
ولذلك ده مالوهش بدايل
مانفعش في ليل
محمود اليماني