《彼岸道品》相關經文《四種修定經》2566年6月18～7月17日講解

《彼岸道品》相關經文《四種修定經》
佛曆2566年6月18～7月17日 心 法師 講解

行腳僧侶／快樂師父
https://gettr.com/user/cittamaster

綺麗人生
https://fuzi.nidbox.com

謝謝收看！

#增支部經典
#修行語錄
#原始佛法
#小部經典
#彼岸道品
#經集

～～～～～～～～～～～～～～～～～～～～～～～～～
【佛曆 2567.7.7 心 法師 修訂】
【佛曆 2555.7.21 釋如戒 法師 初校】
～～～～～～～～～～～～～～～～～～～～～～～～～

【目錄】 “｛一｝Dhamma 正法 (DA 1-5, 19984)/【4】Aṅguttaranikāya 增支部經典 (AN 1-11, 7231)/《4》Catukkanipātapāḷi 四集 (AN 4, 1-783)/1. Paṭhamapaṇṇāsaka 初五十經篇 (AN 4.1-50)/1.5 Rohitassavagga 赤馬品 (AN 4.41-50)”

❦❧~~~~~~~~~~~~~~~~~~~~~~~~~~~~~~~~~~~~~~~~~~~~~
【經名】 1.5.1 Samādhibhāvanāsutta 四種修定經 (AN 4.41)
~~~~~~~~~~~~~~~~~~~~~~~~~~~~~~~~~~~~~~~~~~~~~❦❧

【巴利佛經】

★ 菩提僧團所譯的經典，以及巴利佛經，除了幫助他人學習戒律、定力和智慧外，不應該用於其他目的！並請保留：完整的經文內容和參考說明，非常感謝！ ★

5. Rohitassavaggo
赤馬品

1. Samādhibhāvanāsuttaṃ
四種修定經

☆ 「四修定」（四修等持）法門之功德 ☞
➊ 修四禪定 ➾ 現法樂住；
➋ 修光明想 ➾ 殊勝智見、獲得通智；
➌ 知受想尋 ➾ 正念正知、四無礙解；
➍ 觀集滅諦 ➾ 滅盡諸漏。

41. “Catasso imā, bhikkhave, samādhibhāvanā.
「〔一、禪修功德之總說：〕
諸比丘！有此四者，修習禪定（之功德）。

Katamā catasso?
四者為何？

Atthi, bhikkhave, samādhibhāvanā bhāvitā bahulīkatā diṭṭhadhammasukhavihārāya saṃvattati;
➀ 諸比丘！有禪定之修習，若多所作、再三力行，能引生現法樂住。

atthi, bhikkhave, samādhibhāvanā bhāvitā bahulīkatā ñāṇadassanappaṭilābhāya saṃvattati;
➁ 諸比丘！有禪定之修習，若多所作、再三力行，能引生殊勝智見、獲得通智。

atthi, bhikkhave, samādhibhāvanā bhāvitā bahulīkatā satisampajaññāya saṃvattati;
➂ 諸比丘！有禪定之修習，若多所作、再三力行，能引生正念正知（及四無礙解）。

atthi, bhikkhave, samādhibhāvanā bhāvitā bahulīkatā āsavānaṃ khayāya saṃvattati.
➃ 諸比丘！有禪定之修習，若多所作、再三力行，能引生漏盡。

“Katamā ca, bhikkhave, samādhibhāvanā bhāvitā bahulīkatā diṭṭhadhammasukhavihārāya saṃvattati?
〔二、禪修功德之細說：〕
➊ 諸比丘！云何有禪定之修習，若多所作、再三力行，能引生現法樂住耶？

Idha, bhikkhave, bhikkhu vivicceva kāmehi… catutthaṃ jhānaṃ upasampajja viharati.
[Idha, bhikkhave, bhikkhu
諸比丘！世間有比丘──

vivicceva kāmehi, vivicca akusalehi dhammehi savitakkaṃ savicāraṃ
⑴ 離欲、離惡不善法，由有尋、有伺，

vivekajaṃ pītisukhaṃ paṭhamaṃ jhānaṃ upasampajja viharati.
具足『離生喜樂』之初禪而住。

Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ
⑵ 尋、伺、寂靜故，於內遍淨，心成一境，由無尋、無伺，

samādhijaṃ pītisukhaṃ dutiyaṃ jhānaṃ upasampajja viharati.
具足『定生喜樂』之第二禪而住。

Pītiyā ca virāgā upekkhako ca viharati sato ca sampajāno, sukhañca kāyena paṭisaṃvedeti, yaṃ taṃ ariyā ācikkhanti –
⑶ 離喜故，捨而住，有念，正知而身受樂。體驗聖者所說：

‘upekkhako satimā sukhavihārī’ti tatiyaṃ jhānaṃ upasampajja viharati.
具足『捨念樂住』之第三禪而住。

Sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ
⑷ 斷樂故，又斷苦故，滅先前之喜、憂故，由不苦、不樂，

upekkhāsatipārisuddhiṃ catutthaṃ jhānaṃ upasampajja viharati.]
具足『捨念遍淨』之第四禪而住。

Ayaṃ, bhikkhave, samādhibhāvanā bhāvitā bahulīkatā diṭṭhadhammasukhavihārāya saṃvattati.
諸比丘！此是禪定之修習，若多所作、再三力行，能引生現法樂住。

“Katamā ca, bhikkhave, samādhibhāvanā bhāvitā bahulīkatā ñāṇadassanappaṭilābhāya saṃvattati?
➋ 諸比丘！云何有禪定之修習，若多所作、再三力行，能引生殊勝智見、獲得通智耶？

Idha, bhikkhave, bhikkhu
諸比丘！世間有比丘──

ālokasaññaṃ manasi karoti,
⑴ 作意、思惟光明想；

divāsaññaṃ adhiṭṭhāti –
⑵ 專心晝想；

yathā divā tathā rattiṃ,
⑶ 由晝至夜；

yathā rattiṃ tathā divā.
⑷ 由夜至晝；

Iti vivaṭena cetasā apariyonaddhena
⑸ 如是依無纏無覆、打開光明、廣大自由之心意，

sappabhāsaṃ cittaṃ bhāveti.
使培養有光輝、美麗光彩之禪心。

Ayaṃ, bhikkhave, samādhibhāvanā bhāvitā bahulīkatā ñāṇadassanappaṭilābhāya saṃvattati.
諸比丘！此是禪定之修習，若多所作、再三力行，能引生殊勝智見、獲得通智。

“Katamā ca, bhikkhave, samādhibhāvanā bhāvitā bahulīkatā satisampajaññāya saṃvattati?
➌ 諸比丘！云何有禪定之修習，若多所作、再三力行，能引生正念正知（及四無礙解）耶？

Idha, bhikkhave, bhikkhuno
諸比丘！世間有比丘──

viditā vedanā uppajjanti, viditā upaṭṭhahanti, viditā abbhatthaṃ gacchanti;
⑴ 知受生起，知持續現起，知正在滅去；

viditā saññā…pe…
[viditā saññā uppajjanti, viditā upaṭṭhahanti, viditā abbhatthaṃ gacchanti;]
⑵ 知想生起，知持續現起，知正在滅去；

viditā vitakkā uppajjanti, viditā upaṭṭhahanti, viditā abbhatthaṃ gacchanti.
⑶ 知尋生起，知持續現起，知正在滅去；

Ayaṃ, bhikkhave, samādhibhāvanā bhāvitā bahulīkatā satisampajaññāya saṃvattati.
諸比丘！此是禪定之修習，若多所作、再三力行，能引生正念正知（及四無礙解）。

“Katamā ca, bhikkhave, samādhibhāvanā bhāvitā bahulīkatā āsavānaṃ khayāya saṃvattati?
➍ 諸比丘！又，云何有禪定之修習，若多所作、再三力行，能引生漏盡耶？

Idha, bhikkhave, bhikkhu pañcasu upādānakkhandhesu udayabbayānupassī viharati –
諸比丘！世間有比丘，住觀五取蘊之生滅──

‘iti rūpaṃ, iti rūpassa samudayo, iti rūpassa atthaṅgamo [atthagamo (sī. pī.)];
『⑴ 此是色，此是色之集，此是色之滅；

iti vedanā, iti vedanāya samudayo, iti vedanāya atthaṅgamo;
⑵ 此是受，此是受之集，此是受之滅；

iti saññā, iti saññāya samudayo, iti saññāya atthaṅgamo;
⑶ 此是想，此是想之集，此是想之滅；

iti saṅkhārā, iti saṅkhārānaṃ samudayo, iti saṅkhārānaṃ atthaṅgamo;
⑷ 此是行，此是行之集，此是行之滅；

iti viññāṇaṃ, iti viññāṇassa samudayo, iti viññāṇassa atthaṅgamo’ti.
⑸ 此是識，此是識之集，此是識之滅。』

Ayaṃ, bhikkhave, samādhibhāvanā bhāvitā bahulīkatā āsavānaṃ khayāya saṃvattati.
諸比丘！此是禪定之修習，若多所作、再三力行，能引生漏盡。

Imā kho, bhikkhave, catasso samādhibhāvanā.
諸比丘！此等四者，是修習禪定（之功德）。

Idañca pana metaṃ, bhikkhave, sandhāya bhāsitaṃ pārāyane puṇṇakapañhe –
〔三、禪修功德之總結：〕
又，諸比丘！於此，有關我在彼岸道（品）之布那迦所請益問題中，宣說此事：

“Saṅkhāya lokasmiṃ paroparāni,
『洞察此岸彼岸滅；
（生起內觀智慧，洞察世間此岸之六根，與彼岸之六塵，全都滅盡；）

Yassiñjitaṃ natthi kuhiñci loke;
世無創造何動搖？
（世間不曾有任何主宰者，也未曾被創造過，何曾會動搖呢？）

Santo vidhūmo anīgho nirāso,
涅槃無味離苦憂；
（涅槃寂靜之快樂無以言喻：既無貪著之滋味，又無瞋憂之煙塵，更無苦惱之殺害；）

Atāri so jātijaranti brūmī”ti [su. ni. 1054; cūḷani. puṇṇakamāṇavapucchā 73].
我說彼脫生與老！
（我說：對於生與老死之輪迴，他已經成功橫越度脫！）』」

paṭhamaṃ;
四種修定經 ～赤馬品‧第一經終

～《增支部經典‧四集‧初五十經篇‧赤馬品‧Samādhibhāvanāsutta 四種修定經》(AN 4.41)

☸*********************************************************************