ზურაბ მახარაძე ოცნების 29 აპრილის აქციის შესახებ. 01. 05. 2024

ალტინფო. დღის სიახლეები. 01. 05. 2024 (20:00)

ზურაბ მახარაძის ტელეგრამიდან:
მიმდინარე პროცესებს სჭირდება შეფასება. შეფასება,  რომელიც იქნება ობიექტური, იმის მიუხედავად, რამდენად უსამართლოდ იქცევა მთავრობა ჩვენს მიმართ, ან რა მოგვივა, თუ ხელისუფლებაში ნაცები მობრუნდებიან.
1) ოცნების საყოველთაო მობილიზაციის აქციამ, როგორც საინფორმაციო საბაბმა, იარსება ზუსტად ერთი დღე. მისი ორგანიზატორების იმედების საპირისპიროდ ვერ გადატეხა, დაასრულა და ა.შ. მოწინააღმდეგე ფლანგი.
2) ოცნების და კონკრეტულად ივანიშვილის მესიჯბოქსი იყო კონფრონტაციის დეკლარირება დასავლეთთან, მაგრამ გაკეთებული "ღირსებით ევროპისკენ" ლოზუნგით. ანუ, ამოცანა და იდეოლოგია აცილებულია. შესაბამისად, სამობილიზაციო მუხტის კომპენსაცია ხდება ადმინისტრაციული და ფინანსური რესურსით.
3) მეორე დღეს, მოწინააღმდეგე აქციის დაშლისას, ოპოზიციამ დადო ზუსტად ის სურათი, რაც მედიურად ნაცებს სჭირდებათ. ,,დეპუტატების კორტეჟს რომ გაევლო ბავშვები სცემეს" და ,,მთავარი ოპოზიციური პარტიის (ოცნების ტერმინია,  ჩემი არა) ლიდერს და დეპუტატს სახის ძვლები ჩაულეწეს,,  - "კარწინკა".
ანუ, ნაცები გეგმაზომიერად მიდიან კონკრეტული მედიური სურათისკენ. მათი ამოცანაა ისე შეფუთონ, თითქოს უკვე მათაც ჰყავთ საკუთარი ვალერი გელაშვილი და კობა დავითაშვილი, ასევე აქვთ საკუთარი 7 ნოემბერი და 26 მაისი. თავის მომხრეებისთვის ამ ,,კარწინკას,, დებენ.
მათ აქციაზე უკვე ეპისკოპოსი დგას.
საბოლოო ჯამში, ოცნების რეიტინგი ზიანდება. თავად ივანიშვილის განცხადებითვე, არჩევნების შემდგომ მაიდანის მცდელობას ელოდება. თუმცა, მისი შეხედულების საპირისპიროდ, ახლა ოპოზიცია ორთქლს კი არ უშვევს ფალშსტარტით, უბრალოდ ძლიერდება.
P.S. თუ ბიძინას გეგმა ამ ყველაფრის ისე გაჩერებაა, როგორც ლუკაშენკომ გააჩერა, ოღონდ თან პროდასავლური იდეოლოგიით და ევროკავშირის დროშის ფრიალით, ეგ როგორი გეგმაა, თქვენ თვითონ შეაფასეთ, მე რომ მიკერძოებულობაში არ დამდოთ ბრალი.

დასაკრავი სიები:
კონსერვატიული მოძრაობა. პარტიული მასალები;
ზურაბ მახარაძე. პარტიული მასალები;
ზურაბ მახარაძე. დღის სიახლეები;
ზურაბ მახარაძის იუთუბედან და ტელეგრამიდან