Васка Илиева - Песна за селото Буф | Vaska Ilieva - Pesna za seloto Buf | Песна од Егејот | Македонски Песни | Makedonski Pesni | Macedonian Songs

Бог ги убил душманите,
душманите, шпионите,
што изгореја наши села,
изгореа, прекрстија.
Истурија буфско село,
Буф ми беше прочуено,
со јунаци Македонци,
Македонци патриоти.

Истепаја наши деца,
наши татќа, наши мажи,
меѓу нив и мојто момче,
мојто момче Крсте Ѓашо.
Си останав удовица,
удовица со сираци,
со три чупи и едно дете,
машко дете, мајкин Кољо.

Крсте клетва ми остави
да му гледам сирачиња,
а највеќе машко дете,
да порасне, да ме освети.
Бог ги убил душманите,
нас не жални пропатија,
в' чужди земји непознати,
еден со друг не се знајме.

Буф имаше лични моми,
лични моми Македонки,
Македонки песнопојки,
песнопојки игроорки.
Буфски мајки изродија
сè јунаци Македонци,
први беја во борбите,
се бореја за слобода.