ზურაბ მახარაძე 5 ივლისის აქციაზე: ქვეყნის მთავარ მოედანზე უნდა იდგას წმ. ნინოს ჯვარი. 05. 07. 2021

2021 წლის 5 ივლისი ერთ-ერთ გამორჩეული თარიღია საქართველოს უახლეს ისტორიაში - დღე, როდესაც ჩვენს ქვეყანაში გადატყდა ლენინურ-ტროცკისტული რადიკალ-მემარცხენე ნარატივი და დაიწყო კონსერვატიული იდეოლოგიის აღმასვლა. ამ დღეს ჩაიშალა ლგბტ-პრაიდი და რუსთაველის პროსპექტზე, მთავრობის სახლის წინ კვლავ აღიმართა წმ. ნინოს ჯვარი. ქართველმა ერმა უარი უთხრა უღირსებობას, რომელსაც აქტიურად ნერგავდა რადიკალ-ლიბერალური რეჟიმი და მისი აპოლოგეტი მედიასაშუალებები.
ამ მოვლენის სათავეში იდგა ალტინფოს კონსერვატორთა ჯგუფი (ზურაბ მახარაძე, გიორგი ქარდავა, შოთა მარტინენკო, ირაკლი მარტინენკო), რომელიც მალე გარდაიქმნა კონსერვატიულ მოძრაობად. ქართული პოლიტიკის დღის წესრიგიდან ჩაიხსნა რადიკალ-მემარცხენე იდეოლოგიის აპოლოგეტის ზურაბ ჟვანიას ცნობილი ფრაზა "მე ვარ ქართველი და მაშასადამე, ვარ ევროპელი". მისი ადგილი დაიკავა კონსერვატიული მოძრაობის ერთ-ერთი ლიდერის ზურაბ მახარაძის ფრაზამ: "მე ვარ ქართველი და არავითარი მაშასადამე". ქართულ პოლიტიკაში წინა პლანზე წამოიწია ილიასეული "ჩვენი თავი ჩვენადვე გვეყუდნეს" იდეოლოგიამ.

დასაკრავი სიები:
კონსერვატიული მოძრაობა. პარტიული მასალები;
ზურაბ მახარაძე. პარტიული მასალები