Urdu Poetry # 04 یہ معجزہ بھی محبت کبھی دکھائے مجھے | قتیل شفائی کا بہترین کلام

#fyppage #fypシ゚ #viralurdupoetry #urdupoetrysad #urdushayarighazl #urduhearttouchingpoetry #beautifulpoetryinurdu #beautifulwords #dardbharishayari
#urdupoetrybackgroundmusic #besturdupoets #urdupoetryshortvideo #faizahmedfaiz #urdupoetrycollection #urdughazalshortvideo #urdupoetrystatus
یہ معجزہ بھی محبت کبھی دکھائے مجھے

کہ سنگ تجھ پہ گرے اور زخم آئے مجھے

میں اپنے پاؤں تلے روندتا ہوں سائے کو

بدن مرا ہی سہی دوپہر نہ بھائے مجھے

بہ رنگ عود ملے گی اسے مری خوشبو

وہ جب بھی چاہے بڑے شوق سے جلائے مجھے

میں گھر سے تیری تمنا پہن کے جب نکلوں

برہنہ شہر میں کوئی نظر نہ آئے مجھے

وہی تو سب سے زیادہ ہے نکتہ چیں میرا

جو مسکرا کے ہمیشہ گلے لگائے مجھے

میں اپنے دل سے نکالوں خیال کس کس کا

جو تو نہیں تو کوئی اور یاد آئے مجھے

زمانہ درد کے صحرا تک آج لے آیا

گزار کر تری زلفوں کے سائے سائے مجھے

وہ میرا دوست ہے سارے جہاں کو ہے معلوم

دغا کرے وہ کسی سے تو شرم آئے مجھے

وہ مہرباں ہے تو اقرار کیوں نہیں کرتا

وہ بد گماں ہے تو سو بار آزمائے مجھے

میں اپنی ذات میں نیلام ہو رہا ہوں قتیلؔ

غم حیات سے کہہ دو خرید لائے مجھے

قتیل شفائی