Tunay na bayani ng makabagong panahon, kinilala ni VP Sara ngayong Labor Day

Kinilala ni Vice President at Education Secretary Sara Duterte ngayong araw ng paggawa ang mga itinuturing na tunay na bayani ng makabagong panahon.
Kabilang dito ang mga overseas Filipino worker, medical at security frontliner, community workers, mga guro, at maging ang mga nagtatrabaho sa pampubliko at pribadong sektor ng lipunan.
Ani VP Sara, saludo siya sa hindi matatawarang sipag at dedikasyon ng bawat isa partikular na sa kanilang kontribusyon sa pag-unlad ng bansa.