Собрале ми се набрале | Sobrale mi se nabrale | Танец | Tanec | Гоце Делчев | Goce Delchev | Македонски Песни | Macedonian Songs

Собрале ми се набрале
седумдесет млади момчиња
на кондиската рамнина
во таа ладна меана.

Лута ракија пиеја
тешко си клетва зедоја:
Кој ќе се, браќа, разболе,
на раце да го носиме.

Разболел ми се млад Гоце
млад Гоце Делчев војвода
и на дружина говори:
Дружино верна зговорна.

Кога ќе вие минете
низ мојта града Кукуша,
на мајка да ѝ кажете
оти сум младо загинал,
оти сум младо загинал,
за жална Македонија.