Pajjar Card | Mahmoud Darwesh | KB Firaq @GEEWS

پجار کارڈ
----- محمود درویش:چہ انگریزیءَبلوچی رجانک:کے بی فراق

نبشتہ کن
من یک عرب ے آں
ءُ منی پجار کارڈ نمبر پنجاہ ہزار اِنت
منی ہشت زھگ اَنت
ءُ نہمی گرماگءَ پد ودی بیت
زانا شما نارضا بئیت؟
نبشتہ کن
من یک عرب ے آں
ءُ سنگءِ کار جاہءَ گوں دگہ ہم کاریں سنگتاں نپرے آں
منی ہشت زھگ اَنت
من پر آھاں وردن شوہاز کناں
پوشاک ءُ کتاب
چہ سِنگاں
من پہ پنڈگءَ تئی درءِ دپءَ دست شہار ندات
ءُ نئیکہ من وتی پاد تئی میانءَ ایر کُتاں ءُ وتءَ کم شرپ کُت
شُما چوش نارضا بئیت؟
نبشتہ کن
من یک عرب ے آں
منءَ نام ے است بلے ابید چہ پجاری شونءَ
اوپار کشیں یک ملک ئَے
اودے مالوک زہرشانی سما کنت
منی رُوتگ
ودی بوھگءَ پیش سنگر بوتگ آں
ءُ چہ اھدءِ بنگیج بوھگءَ پیش
اندرءَ آپ بوھگءُ زیتونءِ دروشم ءَ اوں پیش
ءُ پیش چہ کاھانی تُرکگءَ
منی پِت چہ بُرزکوہءَ جَہل ءُ گوں قطبی امریکہ ءِ کہول یے بدل ءِ دروشم ءَ اِنت
نئیکہ ہستومندیں کہول ے آں
ءُ منی پیرک یک دھیکان ے اَت
نا چُشیں سیرلاپ ے بیتگ ءُ نئیکہ جوانی ءَ ودی بوتگ
منءَ دائم ءَ روچءِ سرءَ پہر بندگءِ درس ے دات
چہ وانینگءَ پیش چوش درائینت کہ چون واننت
ءُ منی لوگ انچوش ات چوشکہ یک پانگ یے ٹِپوے بہ بیت
شکرکانڈیل یے کانڈیلاں گوں جوڑ کُتگ اَت
آیا تو منی اے بستارءَ تسلہ بوت اِت؟
منءَ نام ے است بلے ابید چہ پجاری شونءَ
نبشتہ کن
من یک عرب ے آں
تو منی پِت ءُ پیرکی باگچہ پل اِتگ آں
ءُ سرڈگار چوشکہ من کشار کُت
گوں وتی زھگاں
ءُ تو پہ ما ھچ چُشیں چیزے پشت گیتک
ابید چہ اے ڈل ءُ سِنگاں
ءُ ایشاں اوں چہ من زیر اِت؟
چوشکہ من درائینت ءُ گوشت؟!
اے ڈَول!
تن اولی ایں تاکدیمءِ بُرزءَ نبشتہ کن
منءَ گوں مردماں کُنت نیست
نئیکہ من گلزمین ءَ دزگیر کناں
بلے اگں من شُدیگ بوتاں
تہ لُٹ و پُل کنوکیں کارست یے جانءِ رُستگیں پیگ منی وراک بئینت
ھیال بہ کن ۔۔۔۔۔۔
ھیال بہ کن۔۔۔۔۔۔۔۔۔۔
منی شُدءَ
ءُ منی زہرگیں نارضائیءَ!