E konfrimon FIFA/ Shqipëria e "pëson" për dy barazimet, rrezik për Botërorin

NDIQNI VIDEON 👆👆
Kombëtarja shqiptare ka humbur tre pozicione për renditjen e muajit nëntor në FIFA. Edhe pse kuqezinjtë u kualifikuan në Evropian, barazimet kundër Moldavisë fillimisht dhe më pas ndaj Ishujve Faroe, kanë ndikuar që kuqezinjtë nga vendi i 59 të zbresin në të 62 në botë. Kjo për shkak se FIFA i jep pikët në raport me forcën e kundërshtarit, ndërsa kjo zbritje mund të ketë edhe pasoja.
Ky klasifikim është shumë i rëndësishëm në momentin kur hidhet shorti për kualifikueset e Botërorit, pasi nga ajo përcaktohet ndarja në vazo e skuadrave. Për momentin kuqezinjtë janë në vazon e tretë.
Ndërkohë Kosova që në nëntor ka zhvilluar tre ndeshje, duke fituar kundër Izraelit, barazuar me Zvicrën dhe humbur duke Bjellorusisë, ka fituar katër pozicione. Nga vendi 105 është ngjitur në vendin e 101.
Sakaq ndryshime ka edhe në tre vendet e para. Argjentina kampione bote vijon të udhëheq dhe të ndiqet nga Franca, ndërsa Brazili që ka humbur dy sfida në nëntor, nga vendi i tretë ka zbritur në të pestin. Seleçao është parakaluar nga Anglia që ka kapur podiumin dhe Belgjika që është ngjitur në vendin e pestë duke fituar një pozicion.