Dalta U Kas De Shoka Hum Kave Khirat Hum Veshe | Shah farooq | Iqbal Momand

زهر یی هم وشندل لپې لپې شات هم ویشی
دلته یو کس دے شوکه هم کوی خیرات هم ویشی

وخت مو په سترګو کښې تیکه تیکه حالات هم ویشی
ستا د جبین تنکي خالونه واردات هم ویشی

دے د رورئ په حرمت کرښه د عناد راکاږي
دے خو اڼګن د حجرے هم ویشی جمات هم ویشی

ما د خپل سر قاتل په پټو سترګو ورپيژندو
چې مې په قبر سهرے هم غوړوی سخات هم ویشی

جبر ئې هم د نظر وړم سترګې پرے هم خوږووم
خلک هم وژنې خو جامونه د حیات هم ویشی

خدائ مې دې مل شی ګنی ګرانه ده او ښه ګرانه ده
ما په ګناه هم نیسي رنګ په کائنات هم ویشی

دخو اقباله یاران ښه دې وسلے نه غورځوي
ګنې د خلک پیښور هم ویشی سوات هم ویشی

کلام: اقبال مهمند