Lula, forseti í Brasilia: Vit eru eitt friðarland, fara ikki at senda vápn

Nývaldi forsetin í Brasilia, Lula, segði á felags tíðindafundi saman við týska verjumálaráðharranum, at Brasilia fer ikki at senda vápn til Ukraina ella lóður til Europa, tí tað í so fall møguliga kann vera brúkt í krígnum.
"Brasilia hevur ongan áhuga í at útflyta lóður, fyri at tað ikki skal verða brúkt í krígnum millum Ukraina og Russland. Brasilia er eitt friðarland. Okkara seinasta orrusta var í Paraguay-krígnum, og tískil vil Brasilia ikki hava nakra luttøku í, heldur ikki óbeinleiðis. Tí at eg haldi, at í hesi stund í heiminum í dag, mugu vit leita eftir fólkum, sum kunnu fáa frið í lag millum Russland og Ukraina. Vit mugu finna onkran. Tí higartil er orðið friður sera lítið brúkt. Við øðrum orðum hevur Brasilia tikið ta avgerð, ikki at veita lóður, tí vit vilja ikki hava hetta lóðrið at verða nýtt í krígnum ímóti Russlandi.