Top News - Turqia ‘hakmerret’ për bombën në Stamboll / Sulme ajrore mbi kurdët në Irak dhe Siri

Turqia ka ndërmarrë sulme ajrore mbi objektiva kurde në Irak dhe Siri, një javë pas bombës në stamboll për të cilën fajësoi militantët kurdë. Sulmet goditën bazat kurde që përdoreshin për të ndërmarrë sulme mbi turqinë – tha ministria turke e mbrojtjes. Një zëdhënës siriano-kurd tha se dy fshatra të populluar me njerëz të zhvendosur nga zona të tjera të vendit ishin goditur. Grupi kurd i ndaluar PKK, mohon të ketë kryer sulmin me bombë në Stamboll.
Ndërsa sulmet ajrore nisën, ministria turke e mbrojtjes shkroi në Tëitter se Ora e llogaridhënies kishte ardhur, ndërkohë që kishte postuar edhe foton e një avioni ushtarak që ngrihej në fluturim dhe më pas edhe një shpërthim.
“Strehimet e terroristëve, bunkerët, shpellat, tunelet dhe magazinat u shkatërruan me sukses”, tha ministri turk i mbrojtjes Hulusi Akar. Ministria turke e mbrojtjes më pas tha se sulmet në bazat militante kurde në sirinë veriore dhe Irak kishin shkatërruar 89 shënjestra. Forcat kurde në siri kanë premtuar se do të hakmerren dhe thanë se qyteti Kobane ishte goditur bashkë me dy fshatra me popullatë të madhe. Të paktën 31 persona u vranë vetëm në sirinë veriore sipas observatorit sirian për të drejtat e njeriut. Nuk është e qartë ndërkohë se cfarë shënjestrash janë goditur në Irak. Sulmi ajror vjen një javë pas shpërthimit të një bombe në një nga rrugët më të frekuentuara të Stambollit, që i mori jetën gjashtë personave dhe lëndoi më shumë se 80 të tjerë. Autoritetet turke fajësuan grupin militant kurd PKK për shpërthimin pavarësisht se ky i fundit tha se nuk merrte asnjëherë në shënjestër civilë dhe mohoi përgjegjësinë.

Pamje: AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Stamboll#Irak