Top News - Serbia refuzon të shkojë në Bruksel/ Prishtina dhe Beogradi pa marrëveshje për targat

Bashkimi Europian po mundohet të gjejë një zgjidhje për cëshjen e targave para datës 21 nëntor, kur Kosova do të fillojë vënien e gjobave për qytetarët serbë që mbajnë targa serbe.

Kryenegociatori i Kosovës në dialogun me Serbinë ka treguar se kanë dërguar 20 propozime të emëruarit të BE për dialgun Miroslav Lajcak duke I prezantuar zgjidhjen e qevëerisë së Kosovës për targat nga data 21 nëntor dhe periudhën e ardhshme.

Bashkimi Evropian po punon që mos ketë tensione në terren, duke thënë se situata në Veri është më e rënda që nga viti 2013, por deri më tani dy vendet janë ende pa marrëveshje.

Përfaqësuesi i Lartë i BE-së, Josep Borrell, me shqetësim foli për këtë temë pas përfundimit të takimit të Këshillit për Punën e Jashtme të hënën. Ai kërkoi që të dyja palët duhet të angazhohen urgjentisht që të gjejnë një zgjidhje që ul tensionet.

Borrell tha se Brukseli do të jetë mikëpritësi i kryenegociatorëve nga Kosova e Serbia për të diskutuar mbi hapat e ardhshëm që duhet të çojnë drejt marrëveshjes.

Por në Bruksel shkoi vetëm kryenegociatori i Kosobës Besnik Bislimi, derisa ai i palës serbe, Petar Petkovic, e injoroi këtë thirrje të kryediplomatit europian.

Por edhe vetë Bislimi, pavarësisht bisedimeve të gjata me Lajçakun, nuk ka gjetur një marrëveshje për të dalë nga situata e krijuar.

Nga ana tjetër, Borrell ka deklararuar se kishte në plan që të thërriste një takim të nivelit të lartë mes kryeministrit Albin Kurti dhe presidentit serb Aleksandër Vucic nëse bisedimer mes dy kryenegociatorëve dështonin.

Pamje:AFP