Top News - Lamtumirë Krime...! Më mirë negociata... SHBA, me një kërkesë të ‘dhimbshme’ për Ukrainën

Jake Sullivan, këshilltar për Sigurinë Kombëtare në SHBA, ka këshilluar presidentin Ukrainas, Volodimir Zelenski të marrë në konsideratë një pozicion negocimi realistik me qëllim që të fillojnë bisedimet e paqes me Rusinë. Sipas Uall Street Journal, që citon burime diplomatike të njohura me cështjen, Sullivan i ka kërkuar presidentit ukrainas një qëndrim më të hapur ndaj dialogut me Moskën duke e ftuar Zelenskin dhe zyrtarët e tij të formulojnë kërkesa dhe prioritete realiste për takimet, e mundësisht të rishqyrtojnë edhe objektivin e deklaruar prej tyre për rikthimin Krimesë nën ukrainën. Kjo e fundit, është aneksuar nga Rusia që në vitin 2024. Propozimet janë bërë gjatë një takimi në Kiev, më 4 nëntor, kur këshilltari i Joe Biden vizitoi kryeqytetin ukrainas për të përsëritur mbështetjen e SHBA për vendin nën sulm, duke njoftuar edhe një paketë të re ndihmash ushtarake me vlerë 400 milionë dollarë. Në të njëjtën kohë, funksionarët e shtëpisë së bardhë thonë se Uashingtoni nuk do të bëjë presion mbi Kievin për ta shtyrë atë në një rrugë diplomatike. Më herët, po Uall Street Journal, kishte dhënë lajmin e takimeve private mes Sullivan dhe homologut të tij rus Nikolai Patrushev, me qëllim evitimin e rrezikut të përshkallëzimit. Ndryshimi i qëndrimit nga ana e SHBA po shkakton ndërkohë habi mes disa funksionarëve të vendeve të NATO-s, vecanërisht në evropë. Vetë Sullivan në një konferencë për shtyp javën e shkuar saktësoi: Është detyrë e jona ti japim mundësi Ukrainës të optimizojë pozicionin e saj në fushë betejë. Duke bërë këtë, kur të ofrohet mundësia për të hyrë në rrugë diplomatike, Kievi do të jetë në pozicionin më të mirë të mundshëm në tryezën e negociatave për paqe: SHBA nuk po i bën presion Ukrainës”.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Krime#Negociata