ඔබ තනිකර ගිය දින සිට | Sinhala Word Vomit

2 years ago
1
sinhala rap sinhala songs sinhala rap songs sinhala cover songs sinhala new songs new sinhala songs aluth sindu zaharan hameed Sinhala Word Vomit sinhala love rap sinhalkarap

#rapsongs #sinhalasongs #sinhagiriya

ඔබ තනිකර ගිය දින සිට
ලත වන හද දිය වෙනකොට
දැනෙන හැඟුම නිරයකි මට
ඔබට පුදපු තෙත් මල් මිට

විසිර කෙසේද මහ මගතොට
ඔබේ අත මා ගත් දින සිට
ජීවය පිදුවෙ ඔබේ පා යට

ඔබ නැති ලොවක් හිමි නැත මට
ඔබේ මතකයෙන් වැළපෙන විට
මතක සුවඳ දැනෙනවා මට
කියපු වචන සිහිවෙන විට
හිටපු සමය වදයකි මට

ඔබේ හසරැල්ල සිහිවන විට
ඇකිලෙන සිත වෙයි පසුබට
ඔබ තොර ලොවක් නැති කිසිවිට

සබඳ කෙසේද? සැතපෙන කොට
යහන පිදුවේ වෙනකෙකු හට
ගත පමණය උගේ ගත යට

හදවත ඇත්තේ මා සතුව ය
දනිමි කැකුල ඔබේ තත්ත්වය
හිතට එකඟ නැති විවාහය
පෝරුව මත මා දුටු ශෝකය
මාපියන් ගොතපු එම සාපය
දැනෙනවා මට ඔබේ කෝපය

සොඳුරුය ගත කළ කාලය
අරුමය ඔබ කළ ආලය
පිවිතුරු හද මුතුමාලය
ඔබ මට කළ එම ප්රේමය
නැවත සොයන ඔබේ රූපය
තද කර ඇත මගේ ප්රාණය
නැවත හරවන්න මෙම කාලය
පුදමි දිවිය අනිවාර්යය
ඔබගේ උකුලේ හිස තද කර
නිදමි අවසන් වනතුරු පන
ඔබගේ දෑතේ අවසන් වන
හුස්ම ගණය මෙන් මහමෙර

ගතට දැනෙන ඔබේ හදවත
හිරි වැටෙනවා මගේ මුළු වත
ඔබ පමණය රජකළේ සිත
නොසිඳෙන පෙම මේ මිහිමත

සිතන පතන සිතුවිලි හැර
නැත කිසිවක් කරන්නට සිර
මේ භවයෙන් සමු දෙන්න පෙර
පෙන්වන්න මුව ඔබේ සුන්දර

දකින සිහින හැම ඔබේ රුව
දොඩන වචන ඔබේ නම බව
හඬයි දිවිය පැලෙන්නට ලොව
සමු දෙන්න නැත කාලය තව

හදවත බිඳෙන හඬ ඇහෙනවද?
ජීවය පෑරෙන බව දැනෙනවා?
සැබෑ ආලය වරක් බව දන්නවාද?
ප්රේමය ඔබ තුළ තියෙනවද?

වෛරයක් නැත මගේ කුමරිය
ජීවයේ සතුට ඩැහැගත්තට
අමතක කරන්නට හැදුවට
මතකයන් මකන්නට බෑ මට

ඔබ තනිකර ගිය දින සිට
ලත වන හද දිය වෙනකොට
දැනෙන හැඟුම නිරයකි මට
ඔබට පුදපු තෙත් මල් මිට
විසිර කෙසේද මහ මගතොට
ඔබේ අත මා ගත් දින සිට
ජීවය පිදුවෙ ඔබේ පා යට
ඔබ නැති ලොවක් හිමි නැත මට

My channel
https://www.youtube.com/zaharan_hameed

Instagram
https://www.instagram.com/zaharan_hameed/

Facebook
https://www.facebook.com/uniquezee

Twitter
https://twitter.com/hameed_zaharan/media

Tiktok
www.tiktok.com/@zaharanhameed2020

Loading comments...