EFF Sing "Brand Hierdie Boere, EFF Gaan By Die Plek in" by Senekal! Maar Mag Boere Hulself Verdedig?

By Senekal2 het die Economic Freedom Fighters (EFF) se Mbuyiseni Ndlozi 'n lied gesing wat klink asof hy EFF volgers aanhits tot brandstigting. Die roep van die brandweer kan sarkasties bedoel gewees het, om te beweer dat hulle onskuldig is.

Hier is die vertaling:

O bizan' ifirebrigade! / O roep die brandweer julle!
Bath' umlilo lo! / Hulle sê dis 'n vuur hierdie!
O bizan' ifirebrigade! / O roep die brandweer julle!
Shisa la maBhunu! / O brand hierdie Boere!
iEFF ingen' endaweni! / Die EFF gaan by die plek in!
Awu ingen' endaweni! / Hei, hy (die EFF) gaan by die plek in!
iEFF ingen' endaweni! / Die EFF gaan by die plek in!
Ingen' endaweni! / Hy (die EFF) gaan by die plek in!

Frikkie Mulder is deur 'n paar persone gevra om te bevestig wat die woorde van hierdie lied wat die Economic Freedom Fighters se Mbuyiseni Ndlozi die afgelope naweek by Senekal gesing het, beteken.
Die Zoeloe woord "bizani" is 'n opdrag aan meer as een persoon, met ander woorde "julle moet roep", of "roep julle" die brandweer.
Die woord "shisa" in die woorde "Shisa la maBhunu!", is weer 'n opdrag of in die "imperatiewe modus" soos taalkundiges sê, om Boere te brand.
Verder lei mens uit die woorde van die lied af, dat daar gekommunikeer word dat nadat daar gebrand is, die EFF by daardie plek ingaan. Uit die breër konteks van die lied kan mens ook sê dat die bedoeling is dat daar gebrand moet word, sodat die EFF daar kan ingaan...