Religion is just a Label | බොහෝ දහම් ඇති අප දූෂණයෙන් ගිලී අද!

දියුණුව සෞභාග්යය ඕන කියන අය
වෙනස් වෙන්න කැමතිද උසස් මිනිස්සු වෙන්න
විය යුතුයි පළමුව විනය ප්රගුණ වෙන්න
හිතන්න ගැඹුරින් ඔබේ මනස දියුණු වෙන්න

අහන බලන කියන කරන හැම දෙයකම
වගකීම ඔබ සතු බව දැන්ගන්න
නොමග යවන අය කියන කරන දෙය
බලපෑම් කළ නොහැකිය ඔබ සෘජු නම්

අනුන්ට ඇඟිල්ල දිගු කරන සංකල්පය හිර කර ඇත අප තුන්වන ලොවක දැන්
මිදෙන්නට හරියට හිතන්න දැන් ලොකුවට
බොහෝ දහම් ඇති අප දූෂණයෙන් ගිලී අද
වැරදුනේ කොතැනද විශ්ලේෂණ කරන්නට වැරදි හදාගන්නට පසුබට නොවන්න

බුද්ධි ගෝචර වෙමු අපි
පෙරමුණ ගමු අපි
නිර්භීත වෙමු අපි
අසත්ය සත්ය වෙන්න
හරියට හිතන්නට, හරි දේ කරන්නට
හරියට ජීවත් වෙන්න ආගම දහම ඇත
ඔබට මට හැමටම හිතට එකග ලෙස හැමට සෙතක් වෙන රටක් හදමු

හැම තුළ හදවතක් ඇති බව තේරුම් ගන්න
හැමටම අනාගතයක් ඇති බව හඳුනාගන්න
යහපත පමණක් පතන ඔබට හිමිවන අවසානය මෙලොව පරලොව හැම ජයවේ!